Benvenite

Le Webring Interlingua es un circulo de sitos connexe, de alcun maniera, al lingua auxiliar international appellate 'interlingua', publicate initialmente per IALA in 1951. Nos crede que interlingua es le optime instrumento de communication international in le mundo del 21me seculo.

Le objectivo de iste Webring es le conjunction del diverse sitos de interlingua a un unitate, a fin de facilitar le navigation trans le information disponibile in 'nostre belle lingua'. On spera tamben que le Webring contribue al crescimento del cognoscentia public de interlingua.

Tote le administratores de sitos super o in interlingua es incoragiate a inrolar lor sitos in le circulo.

Iste Webring es mantenite per le redaction de Internodio, le primari sito de novas international regularmente renovate in interlingua. Illo es rendite possibile per Webring.com (sito in anglese).

Como functiona

Post haber legite le regulas in basso e consentite a illos, vos completa le formulario con le nomine de vostre sito, le URL, e un description. Vos debe seliger un contrasigno (password) a fin de poter cambiar vostre information posteriormente.

Vostre sito es postea addite al cauda del circulo (ring queue), e vos recipe per e-posta un fragmento de codice HTML le qual vos insere in vostre pagina principal; isto es le pannello que permittera al usatores de navigar per le circulo. Le pannello appare como ci (non hesita, proba lo!):

Circulo de Interlingua [ << Previe | Proxime >> ] [ Al aventura | Lista del sitos | Inrola vos! ]

Alora le administrator del circulo, post haber confirmate que vostre sito se conforme al regulas, inserera vostre sito in le circulo.

Regulas

Vostre sito debe satisfacer le sequente demandas ante de esser acceptate in le Webring Interlingua:

1. Vostre sito debe o esser in interlingua o haber information super interlingua, o ambes.
2. Si vostre sito es super interlingua ma non in interlingua, illo deberea continer un summario facile a trovar de su contento in interlingua.
3. Le fragmento de codice HTML debe esser placiate in un loco accessibile in vostre pagina principal; le usatores debe haber le possibilitate de navigar de un sito al altere sin necessitate de cercar le pannello de navigation.
4. Si possibile, nos vole evitar le fenestras 'pop-up' que terrorisa le usatores de Internet de plus in plus. Si vos utilisa un servicio de redirection que produce reclamos pop-up in excambio de un breve URL permanente, submitte le 'ver' URL physic de vostre sito. (Vos pote sempre cambiar lo postea.)

Alora...

Io comprende le regulas e consenti a illos. Inrola me!

Commentarios? Questiones?

Le administrator actual de iste circulo es Martijn Dekker (io) e io es semper preparate a adjutar con alcun problemas. Vos pote inviar me un message electronic. Io non sempre es rapide de responder a e-mail; si vos non recipe alcun reaction, rememora me.